ERU Hrafnseyrar- og Dynjandisheiðar ekki lengur til?

Makalaust helvíti.  Það virðist vera alger óþarfi að minnast á það að samgöngur milli norðanverðra og sunnanverðra Vestfjarða eru í algerum ólestri.  Vegalengdin milli Patreksfjarðar og Ísafjarðar er í dag 639 km en á sumrin eru það 172km.

Lengingin jafngildir því að íbúi á Selfossi þurfi að aka norður Kjalveg, til Blönduós, suður Holtavörðuheiði, um Borgarfjörð og Hvalfjarðagöng, til að komast til Reykjavíkur. 

Það væri auðvitað ekkert eðlilegra.....

Færðin

Athugasemdir

[Anna (IP-tala skráð) 21.3.2008 kl. 11:47]

Samgöngumálin eru í það miklum ólestri að það eru akkúrat engar samgöngur séu vegir ekki ruddir. Ég er á Patreksfirði og á dóttur á Ísafirði og þrátt fyrir þetta fáa km. á milli hittumst við líklega oftar ef hún byggi í Reykjavík. Ég hef í tæp 50 ár ferðast margoft hér innan kjálkans þá vestanverðs og furða mig verulega á því hvers vegna þessi byggðarlög voru ekki tengd betur á sínum tíma á meðan allt var á full swing í atvinnumálum í stað þess að velja Djúpveginn, en það er margt sem maður skilur ekki í henni veröld. En takk allavega Sigurður fyrir góðar og ítarlegar greinar þínar um samgöngumálin hér á svæðinu.

[Sigurður Jón Hreinsson, 21.3.2008 kl. 16:00]

Þakka þér Anna fyrir að kynna þér greinarnar og setja inn athugasemd hjá mér.

[Anna (IP-tala skráð) 22.3.2008 kl. 08:41]

Ekkert að þakka Sigurður, mér sýnist við vera skoðanasystkin, svona að mörgu leyti a.m.k - bæði  Vestfirðingar í marga ættliði að því er ég best veit.  Ég er nýbyrjuð að skoða síðuna þína en hef lesið greinar þínar á bb.is og finnst fínt að einhver skuli nenna og geta sett hlutina fram á mannamáli - ekki öllum gefið að gera það á jafn skilmerkilegan hátt.  Læt þessum commentum lokið í bili a.m.k - Gleðilega páska.