Aðför að landsbyggðinni, ha

Kvótakerfið sem núna er við lýði er aðför að landsbyggðinni.  Það að banna einstaklingum og fyrirtækjum að nýta nálægar auðlindir, má helst líkja við að kæfa, hindra öndun.

Kvótakerfið er fyrst og síðast tæki til einokunar.  Á Íslandi er kvótakerfið í höndunum á sjálfselskum og lélegum sölumönnum, sem nota "ábyrgar fiskveiðar" sem gæðastimpil. 

Staðreyndin er samt sem áður sú að fiskveiðistjórnun með þessu kerfi byggir eingöngu á ÓSÖNNUÐUM kenningum.  Og ósannaðar kenningar kallast ekki vísindi.

Alvarleg ógn við sjávarútveg

Athugasemdir

[Bjarni Kjartansson, 30.10.2009 kl. 17:43]

 Það er hægt að kalla þetta andlegt og líkamlegt ofbeldi fyrir fólk í sjávarbyggðum.

[Níels A. Ársælsson., 30.10.2009 kl. 18:11]

Amen !

[Fannar frá Rifi, 30.10.2009 kl. 18:22]

" lélegum sölumönnum"

semsagt þú veist ekkert um þetta en ert tilbúinn að nýða aðra til þess að þér lýði eins og stórum kalli? 

[Sigurður Helgason, 30.10.2009 kl. 18:22]

Hvaða fólk er einhver eftir spyr ég nú bara :)

[Sigurður Helgason, 30.10.2009 kl. 18:27]

Fannar þið þarna á nesinu fenguð síðasta fiskinn frá flateyringum hvernig líður þeim sem eftir urðu ;)

Heldurðu að þeir séu sár reiðir eða líður þeim eins og stórköllum,

[Fannar frá Rifi, 30.10.2009 kl. 18:37]

Frá Flateyri? Var ekki allt frá Kambi keypt inn í önnur fyrirtæki á Vestfjörðum og þá aðalega innan Ísafjarðarbæjar? eða hefurðu yfir að búa öðrum upplýsingum en frá Gróu á leiti?

[Sigurður Helgason, 30.10.2009 kl. 19:04]

já veit hvert ég seldi kvótann

[Brynjar (IP-tala skráð) 30.10.2009 kl. 20:21]

Mér leikur nú forvitni á að vita hvort Fannar frá Rifi eigi einhverra persónulegra hagsmuna að gæta í kvótakerfinu og ef svo er hvort afstaða hans til þeirra mála beri þess þá ekki merki?? 

[arni (IP-tala skráð) 30.10.2009 kl. 21:06]

Brynjar- góður

[Fannar frá Rifi, 30.10.2009 kl. 22:32]

jú, að fleiri tugir manns sem vinna á skipum og í vinnslu á Rifi haldi sínum störfum. þar liggja hagsmunirnir. að fólk og haldi sínum góðu störfum. að það verði ekki sett á vergang því pólitíkusar í atkvæða veiðum vilja kaupa atkvæði þarna eða hérna.

ég heyrði einn segja frá því hvert böl vestfjarða væri í kvótakerfinu. fyrir hverjar einustu kosningar kæmu þingmenn og frambjóðendur til þeirra og fullyrtu að þeir myndu afnema kvótakerfið. þá fara menn alveg í hnút, selja allt frá sér og bíða svo með skipin tilbúinn fram yfir kosningar. síðan var ekkert fyrrnt. 

en afhverju á að refsa þeim sem keyptu kvóta? hvað gerðu þeir rangt? er það synd að starfa í sjávarútvegi? er það ljótt að vilja efla fyrirtæki? tonnið frá 1986 er bara 400 kíló í dag. þú rekur ekki útgerð í dag nema hafa keypt á þessum árum kvóta. 

það eina sem þið eruð að segja er að þeir sem seldu frá sér gerðu rétt. þeir sem flúðu með peninga úr greininni eru sigurvegarar. þeir veðjuðu á réttan hest. það sem þið segið er að vinna í sjávarútvegi er vannþakklátt starf og þeim eigi að refsa sem reka sjávarútvegsfyrirtæki. 

já það er bjart framundan undan ef farið er að ykkar ráðum eða hitt og heldur. það hefur aldrei neitt gott verið byggt á hatri og heift.

[Sigurður Jón Hreinsson, 31.10.2009 kl. 00:09]

Sælir strákar og takk fyrir innlitið.  Ekkert persónulegt en ég ætla aðallega að svara Fannari.

Fannar, ég er ekki að segja að það séu bara vondir menn sem eru í sjávarútveginum í dag, langt því frá.  En þeir sem hafa selt sig út úr greininni eru það svosem ekkert endilega heldur.  Persónulega sé ég ekki muninn á því að selja frá sér hlutabréf í einu fyrirtæki og kaupa hlutabréf í öðru, eða að selja frá sér kvóta og koma sér svo aftur inn í greinina með öðrum ráðum.

En það er regluverkið, hugsunarhátturinn og siðferðið sem ég set spurningarmerki við. 

• Fyrir það fyrsta var kvótakerfið sett á til að byggja upp fiskistofnana, það hefur ekki gengið eftir og þá eiga menn að spyrja hvers vegna.  Eru aðrar leiðir betri?  Reynslan sýnir að það er með góðu móti hægt að veiða um 450 þúsund tonn af þorski á Íslandsmiðum árlega, en núna erum við að veiða 150 þús.
• Lagaumhverfið kemur í veg fyrir nýliðun í greininni, með þeim undantekningum að þeir sem koma nýjir inn verða að sitja og standa eftir höfði þeirra sem eiga kvóta.  Þess vegna spyr ég á móti, er einhvað rangt við það að starfa í sjávarútvegi??
• Kvótakerfið er þjóðhagslega óhagkvæmt.  Eins og mörg dæmi sanna er kerfið fyrst og fremst að þjóna kvótaeigendum.
• Brottkast og svindl er einn af óaðskiljanlegum ókostum kerfisins.  Það voru Færeyingar fljótir að sjá og viðurkenna.  Með hækkandi kvótaverði er hvatinn fyrir brottkasti og svindli sífellt meiri.
• Atvinnuréttur almennings.  Völd þeirra sem ráða yfir kvótanum eru óeðlilega mikil.  Það að einhver Hinni eða annar, geti einn daginn lokað heilu þorpi er ekki bara óásættanlegt fyrir íbúana og yfirvöld heldur líka gagnvart Hinna sjálfum.  Hvers vegna á hann að þurfa að hafa það á samviskunni?
• Hvernig stendur á því að kvótaeigaendur eiga að fá að ráða því hverjir lifa og hverjir ekki í þessari grein.  Eru þeir Guð?

Ég vann í mörg ár í sjávarútvegi, það fór nú samt svo að mörg af þeim fyrirtækjum voru seld eða lokað.  Var mitt starf þá kanski bara vanmetið?

En ég er ekki reiður eða fullur af hatri.  Þetta kerfi er bara einhvað sem þarf að leiðrétta.  En ég er tilbúinn til að sýna öðrum jafnmikinn skilning en þeir eru tilbúnir að sýna mínum málflutningi.  Ert þú til í það Fannar ?

[Fannar frá Rifi, 31.10.2009 kl. 01:01]

byggja upp fiskistofna og skapa grunndvöll fyrir því að fyrirtækinn yrðu ekki rekinn með tapi. að það þessi grein yrði einhver. eru allir hérna búnir að gleyma því afhverju t.d. sjómanna afslátturinn var settur á? hann var settur á því að íslendingar vildu ekki vinna út á sjó. það komu hingað færeyjingar til að starfa á skipunum. í miðju góðærinu var ekki bara flutt inn fólk til að vinna í fiski í landi heldur einnig út á sjó. eitthvað sem ekki fyrir löngu hefði þótt óhugsandi.

hverjir stjórna sókninni? hverjir stýra veiðum? hverjir ákveða hámarks veiði?  hverjir eru það sem ákveða hvenær hryggningar hólfum er lokað og hvenær þau eru opnuð? hverjir eru það sem leyfa togurum og með flotttroll að ralla upp í kálgarðanna?  eru það útgerðarmenn sem hafa svo mikil völd? stjórna þeir öllu? eru það þeir sem stjórna öllum ríkisstofnunum í landinu sem viðkomandi sjávarútvegi? 

ef svarið er já við þessu þá ættiru að kynna þér málin aðeins nánar. 

upphafleg úthlutun í sjávarútveg var ákveðin af alþingi. hún var ákveðin að afli ætti að vera bundin á skip og miðast við veiðireynslu. þessi aðferð var ákveðin og hún er liðin. hún er langt í frá að vera fullkominn. en hún var ákveðin og hún var neydd upp á greinina af stjórnmálamönnum þess tíma. tveir þeirra eru enn í pólitík og eru hæst skrifuð í dag. 

þegar það er samdráttur í veiðum og kvótinn er skorinn niður þá er minna til skiptanna. þá geta bara einfaldlega ekki öll fyrirtæki lifað. þau sem eru best rekinn, vel staðsett eða einfaldlega bara heppinn lifa. en þau verða alltaf að kaupa af öðrum til þess að halda áfram rekstri. þau verða að auka við sig aflaheimildir til þess að viðhalda sömu veiði og áður. 

nýliðun? hvernig og hvað kostar að stofna nýtt fyrirtæki einhverri annari atvinnugrein? afhverju á sjávarútvegurinn að vera eitthvað "free for all" og búa við lögmál sem engin önnur atvinnustarfsemi önnur í landinu býr við? afhverju? af því að þú eða einhver annar tímir því ekki eða þorir að taka áhættu með því að taka lán? 

ég þekki menn sem fóru inn og gátu bara leigt til sín kvóta. urðu að kaupa allt sitt og eru með stóra útgerð  í dag. menn sem tóku áhættu, lögðu allt sitt að veði. það var ekki svo að það heppnaðist allt. ég þekki líka aðra sem töpuðu eða seldu svo þeir færu ekki í gjaldþrot. 

Varðandi brottkast. var brottkast stundað fyrir daga kvótakerfisins? svarið er já og þar með eru rök þín fallinn niður í ekki neitt. 

450 tonn var hámarkið þegar búið var að troða niður togurum um allt land. það var ekki eðlilegt ástand. að það væru t.d. tveir togara í 400 manna byggð. togarar sem komið var niður eftir því hvar þingmaðurinn þarna eða samvinnufélagið vildi og svo framvegis. 

"Völd þeirra sem ráða yfir kvótanum eru óeðlilega mikil." en þess sem rekur búð? eða safn? eða veitingarhús? er vald þeirra ekki mikið yfir starfsmönnum sínum? 

ef þú eða einhver annar viljið halda úti einhverju byggðar mynstri sem þið teljið að sé hið eina eðlilega á Íslandi, verður þú þá ekki að taka áhættu sjálfur? á einhver annar, helst ríkið að halda úti stefnu sem er ekkert annað en nútímavæðing á vistarböndunum? 

Ég vil breyta og laga. En ég er ekki það blindur að sjá ekki að ef öllu er kollvarpað, þá leggst greinin á hliðina. það er bara staðreynd sem kvótaandstæðingar reyna að moka yfir. bankarnir fara reyndar á hausinn með þeim. ekki nema að ríkið fjármagni þá aftur. það ætti að vera lítið mál í dag enda á ríkið svo mikið af peningum til að eyða í slíkt. er það ekki? 

kvótakerfið er ekki gott. en það er það lang skásta sem er til í dag. af því gefnu að þú viljir að sjávarútvegurinn sé samkeppnishæfur matvælaiðnaður á alþjóðlega vísu en ekki byggðarstjórnunartæki og skúffufé fyrir stjórnmálamenn á Íslandi. 

[zappa (IP-tala skráð) 31.10.2009 kl. 03:21]

kemur þessi ræðustúfur ekki beint af liu þingi...........

[Sigurður Jón Hreinsson, 31.10.2009 kl. 10:41]

Sælir.  Takk fyrir þetta Fannar.  Ágætt að fá þína hlið á málinu, en þú ert að sleppa nokkuð stórum þáttum í þínu máli.

Lög um stjórn fiskveiða eru líklega besta dæmi sem til er um misheppnaða lagasetningu. Markmið þeirra var að ná fram hagræðingu í rekstri sjávarútvegsfyrirtækja, lækka skuldir þeirra, minnka afkastagetu flotans og auka fiskigengd á miðunum í kringum landið.  Hvað af þessu skyldi hafa gengið eftir?  Ekkert.  Og varðandi sjómannaafsláttinn og erfiðleika við mönnun, þá held ég að það hafi mest með launamál að gera.  Og launamál í umhverfi kvótakerfisins byggast á fákepppni og einokun að verulegu leiti.  Ein af vísbendingunum í þessa átt eru einmitt þessi staðreynd að þrátt fyrir fækkun starfsfólks í greininni um allt að helming gengu ílla að manna hana.  Skyldi það ekki hafa veruleg áhrif við mönnun fiskiskipa að fiskverð til hlutaskipta er í mörgum tilfellum ekki nema 30-50% af markaðsverðmæti?  Og laun fiskverkafólks hef ég heyrt að hafi lækkað að raungildi um 50-60%.  Markmið laganna var ekki að sjávarútvegsfyrirtæki gætu skammtað smánarlaun til verkafólks!

Hverjir stýra sókninni?  Hafró.  En hverjir eru í stjórn Hafró?  LÍÚ!  Og hversvegna eru fundargerðir opinberrar stofnunar trúnaðarskjöl?

Það sem menn ættu að vera skoða eru einmitt vinnubrögðum Hafró, niðurstöður og tillögur um hámarksafla.  Skýrslur áranna 1975-1980 sanna það vel að mjög mikið er rangt í þeirra aðferðum.  Þar var veitt mun meira en ráðgjöfin gerði ráð fyrir, en samt stækkaði stofninn verulega.  Þorskstofninn stækkaði það mikið að loðnustofninn hvarf og árin á eftir hrundi þorskstofninn, þvert á spár fiskifræðinga og árin 1982 og 1983 var landaður afli af Íslandsmiðum minni en tillögur Hafró.  Það hafa menn kallað ofveiði, sem er eins fjarri sannleikanum og framast er unnt.  Upphaf kvótakerfisins var því byggt á vitleysu sem hefur á þessum 25 árum bara aukist  og versnað.

Já “free for all” .  Við höfum greinilega ekki sama skilning á því hugtaki.  Ef ég ætla að stofna búð, er það sem ég þar til þess húsnæði, vörur, vinnuafl og auðlind (markaður).  Rétt staðsetning er lykilatriði en ég þarf ekki að borga neitt fyrir að komast á markaðinn.  Ef ég stofna vélsmiðju eru sömu lögmál, húsnæði, tæki, vinnuafl og markaður.  Ég þarf ekki að borga þeim vélsmiðjum sem fyrir eru, eina einustu krónu.  Ég get keypt mér vörubíl, farið í meirapróf og komist á verktakamarkaðinn án þess að nokkur geti við því sagt.  En ef ég stofna útgerð,  verð ég að leggja til gríðarlegt fjármagn fyrir það eitt að fá að taka þátt, fyrir utan sjálf tækin.  Hinn kosturinn er að landa fiski á 30-50% verði.  Og eins er ef ég fer í fiskvinnslu.  Þá þarf ég að kaupa fisk af markaði á fullu verði á meðan að aðrir geta keypt sér fisk ýmist með beinum viðskiptum við báta (með því að skaffa kvóta) á hálfvirði eða með því að niðurgreiða fisk (með kvótaleigu) keyptann á markaði.

Hvati fyrir brottkasti kom fyrst við tilkomu kvótakerfisins.  Áður var smár fiskur verðlítill en það borgaði sig þó að koma með hann að landi.  Í dag er það hrint og klárt tap að koma með smáann fisk að landi og það býr ekki bara til brottkast, heldur skekkir það líka allar upplýsingar um stærðardreifingu fisikistofna.

Það er nú bara rangt sem þú heldur fram hvenær 450 þúsund tonnunum var landað.  Á tímabilinu 1952-1972 var veitt að meðaltali 450 þúsund tonn af þorski.  Sum árin var það minna og önnur ár einhvað meira, en á þessu tímabili sannaðist það að fiskimiðin þoldu þessa sókn.  Það var fyrst þegar fiskifræðingar fóru að beita lokunum og að breita möskvastærð sem veiðin fór að dala.  Og þá lenntum við inn í þessum vítahring vitlausrar ráðgjafar.  En er það einhvað eðlilegra ástand að heilu byggðarlögin séu kvótalaus og megi ekki vieða fisk?  Er það einhvað eðlilegra ástand að kvótakóngar ráði því hvar fiski er landað, hvaða fólk fær að vinna við fisk og hvaða byggðarlög eru verðlaus?  Er eðlilegra ástand að í 400 manna byggðarlögum búi núna bara 200 eða innan við það ??

Völd þeirra sem reka veitingarhús takmarkast við það að markaðurinn getur sagt nei og aðrir aðilar komast inn á markaðinn án takmarkanna.  Svipað á við í flestum öðrum atvinnugreinum ef frá eru talin sjávarútvegur og landbúnaður.

Ég tek því svo að þú sér fylgjandi því að Ísland verði borgríki. 

Hvers vegna er það sjálfgefið að sjávarútvegurinn fari á hliðina við það að gefa kvótakerfið upp á bátinn?  Kvótakerfið hefur sett gríðarlegann fjölda fyritækja á hausinn í gegnum tíðina.  Kvótakerfið hefur valdið geigvænlegri skuldasöfnun.  Málið er einfaldlega það að fjárfestingarkostnaður í greininni er alltof mikill miðað við veltu.  Það er annar útgangspunkturinn, hinn er sá að reynslan segir okkur að fiskimiðin þola miklu meiri veiði.  Að leggja niður kvótakerfið, setur ekki sjávarútveginn á hausinn ef veltan eykst á sama tíma.  Fyrir þá sem starfa í greininni eða vilja starfa í greininni skiptim miklu meira máli að auka veiðar og veltu, heldur en að halda uppi fjárfestingarkostnaði.

Kvótakerfið er og hefur alltaf verið vont.  Það er sett á á röngum forsendum og skilar sífellt rangari niðurstöðum bæði út frá “fiskifræði” og einnig útfrá markaðsyfirráðum/samkeppni.  Kvótakerfið er versta aðferðin.  Íslenskur sjávarútvegur hefur alltaf verið samkeppnisfær á alþjóðamarkaði og ekki síður fyrir daga kvótakerfisins.  Það er mjög óeðlilegt að gera engar kröfur til sjávarútvegsins með tilliti til byggðarsjónarmiða.

[Offari, 31.10.2009 kl. 13:31]

Kvótakerfið var ekki hannað til þess að útrýma landsbyggðini.  Græðgin og þressi furðulega þörf mannskeppnunar fyrir því að þurfa alltaf að eignast meir og meir, setti hinsvegar lansbyggðina undir í baráttuni um auðlindina.

[Brynjar (IP-tala skráð) 31.10.2009 kl. 16:15]

Fannar!  Ég spurði kannski ekki nógu hreint - eða þú gefur einfaldlega svo loðin svör.  Átt þú einhverra hagsmuna að gæta vegna kvótakerfisins, t.d með fjölskyldutengslum við sjávarútvegsfyrirtæki - eitt eða fleiri?    

[Bjarni Líndal Gestsson, 31.10.2009 kl. 22:20]

Sæll Sigurður.

Þú stendur þig vel í þessari baráttu. Áfram með þig. Ég vil mynna Fannar á, að kvótakerfið brýtur mannréttindi og stjórnaskrá Íslands.

[Ársæll Níelsson, 1.11.2009 kl. 08:13]

Greinargóð og rökföst svör hjá þér Sigurður.
Gunnar gæti seint borið upp á þig rómantík vegna þessara skrifa.

[Sigurður Jón Hreinsson, 1.11.2009 kl. 09:42]

Takk strákar.  Ég verð seint ásakaður um rómantík, hvorki af körlum né konum

[Fannar frá Rifi, 2.11.2009 kl. 13:04]

"Ég vil mynna Fannar á, að kvótakerfið brýtur mannréttindi og stjórnaskrá Íslands."

nei. nefnd sem er kennd við SÞ og starfar þannig að þjóðarmorð í Darfúr eru ekki gagnrýnd, fangamál í kína eru sögð og góð og aftökur á föngum þar eru sagðar til fyrirmyndar er ekki nefnd sem hægt er að taka mark á. 

þessi nefnd sagði eingöngu að upphafleg úthlutun hafi verið ósanngjörn. allt annað er uppspuni og lygar sem menn eins og Bjarni reyna að halda fram. lygar sem þeir reyna að halda fram í þeirri von að fólk fari að trúa á lygina.

þegar kvótinn er skorinn niður þá fækkar störfum í sjávarútvegi og þar með fækkar störfum í sjávarþorpum. það hefur ekkert með kvóta að gera. það hefur allt að gera með stjórnun á veiðum undir hafró og fiskistofu. kerfið gæti allt eins vera sóknarmarkskerfi og það myndi engu breyta. dögunum væri bara fækkað þangað til að hafró fengi þá niðurstöðu á aflabrögðum sem þeir vilja hafa. 

þeir sem viðurkenna þetta ekki, hafa ekki vit á sjávarútvegi eða neita að horfast í augu við sannleikan. 

Hagræðing varð í rekstri sjávarútvegsfyrirtækja. sjávarútvegurinn er skuldar miklu minna en allar aðrar atvinnugreinar þessa lands og í raun bróður partinn af heimilum landsins. 

menn vilja bara mála skrattann á vegginn varðandi sjávarútveg og ýkja þar allt sem hægt er að ýkja. alveg sama þótt að skuldir annara fyrirtækja í landinu séu að jafnaði tíu sinnum hærri en gengur og gerist í sjávarútvegi. 

[Brynjar (IP-tala skráð) 2.11.2009 kl. 20:33]

Fannar!  Ætlar þú ekkert að svara spurningunni sem ég beindi til þín?  Af hverju kemur þú ekki beint fram og svarar skilmerkilega?