Andspyrnuhreifing gegn hernámi fjármálaaflanna ?

Ísland er hernumið land, af hersveitum ógnarstjórnar fjármálaaflanna.  Þær hersveitir eyra engu, brenna eignir fólks, svipta það vinnunni, fjölskyldum sínum og mannorði. 

Vinalega hersveitin sem gekk hér á land og bauðst til að lyfta landinu á hærra plan, gera öllum gott og efla alla dáð, er að hrekja þjóðina eingalausa úr landi og færa landið erlendum auðmönnum á silfurfati.

Eigum við bara að sitja og halda kjafti á meðan?

Tekur undir ummæli Lýðs um árásir í netheimum

Dauður kvóti

Hversvegna er ekki gefin út ný reglugerð og potturinn sameinaður yfir allt landið?  Þá kæmust þeir bátar sem er búið að stoppa aftur á veiðar.

Hver er tilgangurinn með því að láta kvóta brenna inni ???  

Strandveiðikvótinn næst ekki

Stóra málið

Án þess að ég ætli að gera lítið úr Icesave-málinu þá er annað mál stærra og margfallt kostnaðarsamara fyrir Íslenska þjóð, kvótakerfið.

Jón Kristjánsson fiskifræðingur er óþreitandi að vekja máls á þessu.  Honum reiknast til að msimunurinn frá því sem Hafró lofaði sé litlar 3000 milljarðar króna.

Dágóð summa það.  Hvenær ætla menn að vakna?

Gjaldþrota þjóð

Þessi mynd af Steingrími J, er bæði kaldhæðin og raunsæ.  Raunsæ á þann hátt að stjórnvöld virðast telja að besta leiðin upp úr holu sé að grafa dýpra.  Kaldhæðin á þann hátt að koma ábyrgðinni á Vinstri Græna og Steingrím J.

Sannarlega er þjóðin ílla stödd fjárhagslega og gangi það eftir að Icesave-skuldirnar bætast við er þjóðin á barmi gjaldþrots í fjárhagslegum skilningi.

Verra þykir mér þó að þjóðin skuli vera siðferðislega gjaldþrota.  Ef Samfylkingin ætlar sér að hóta stjórnarslitum í hvert skipti sem mál þarf að þeirra mati að komast í gegnum þingið, er sá flokkur sannarlega kominn á stall með þeim spilltustu.

Á þeim tímum sem Jón Sigurðsson barðist fyrir sjálfstæði þjóðarinnar, mátti þó treysta á að þingmenn berðust fyrir sinni þjóð.  Ef sá tími er liðinn, eru forsendur lýðveldisins brostnar.

Ríkisstjórn á suðupunkti

Fiskveiðiþjóð ?

Í eina tíð var flotinn mun stærri en nú er og vísað er til í fréttinni.  Þá var fiskað og þjóðin naut góðs af.  Nú er tíðin önnur.  Enda er aðalfréttin í fréttinni álagið á EFTIRLITSKERFIÐ.

Halló.

Óvenju margir bátar á sjó

Kúlulán

Já það er nefnilega það.  Til hvers að vera að fá lánaðann gjaldeyri sem má svo ekki nota ??

Maður getur hæglega borið þetta saman við það hátterni bankanna fyrir hrun, að lána m.a. starfsfólki pening til hlutafjárkaupa í þeim sjálfum til þess að skrúfa upp verðið á hlutabréfunum.

En það er amk. jákvætt að þessir tveir hagfræðingar þora að gagnrýna þessa aðferð.  Þessi aðferð er nefnilega ekkert annað en kenning, sem er víst nóg til af í þessari fræðigrein. 

Of mikið gert úr gjaldeyrisvarasjóði

Má lækna heimsku með vegaframkvæmdum ?

Ég held ekki.

Þess vegna er alveg ástæðulaust að tvöfalda Suður- og Vesturlandsveg.  Fyrir liggur að ástæða tappamyndunar í umferð á þessum svæðum eru hin fjölmörgu hringtorg.  En hringtorg eru í eðli sínu til þess gerð að draga úr umferðarhraða.

Það er líka vægast sagt fáránleg umræða að vegakerfið á ákveðnum svæðum landsins þurfi að geta annað tvö til þrefaldri umferð miðað við flesta aðra daga ársins.  Annars staðar á landinu er vegum lokað á vetrum og fólki þannig beinlínis meinað að komast ferða sinna.

Þessa dagana er mikið rætt um forgangsröðun og að skilgreina grunnþjónustu vegna efnahagsaðstæðna.  Ég fæ ekki séð að tvöföldun áður nefndra vega falli undir grunnþjónustu, enda eru samgöngur um þessa vegi með ágætum, þó svo að hún gangi hægar á örfáum álagstímum. 

Að klára að tengja alla þéttbýlisstaði landsins með nútímalegum vegum er grunnþjónusta.

Telja tvöföldun Suðurlandsvegar brýnasta

Jafnréttisáætlun ríkisstjórnarinnar

Já komið þið blessuð og sæl.

Í sumar fagna landsmenn 50 ára afmæli Dynjandisheiðarinnar og 60 ára afmæli Hrafnseyrarheiðarinnar.  Afmælisbörnin bera aldurinn einstaklega vel þrátt fyrir að hafa ekki, ólíkt flestum jafnöldrum sínum, fengið lítameðferð eða hrukkueyðingu.  Afmælisbörnin eru sem sagt svo til óbreitt frá sköpunartíma sínum, niðurgrafnir moldarvegir, og eru eins og í árdaga, eingöngu ætluð til sumarnota, enda haldið lokuðum að meðaltali 120 daga á ári.

Skipti þá engu hvað vegalengir lengjast mikið milli staða á Vestfjörðum.  Þannig verður vegalengdin milli Patreksfjarðar og Ísafjarðar 639km en er á sumardegi 172km.  Það er sambærilegt við það að vegurinn milli Selfoss og Reykjavíkur sé lokaður um Hellisheiði og öll umferð fari um Kjöl og Holtavörðuheiði, 4 mánuði á ári.

Á Íslandi má ekki mismuna fólki vegna kynferðis, litarhátta, trúarbragða, þjóðernis eða stjórnmálaskoðana.  Það virðist hinsvegar vera í góðu lagi að mismuna fólki vegna búsetu.  Á meðan grunn þjónusta er ekki til staðar á sumum svæðum virðist þurfa að hanna veg annarsstaðar með tilliti til hámarks umferðamagn, sem þó er aðeins í fáa tíma, um helgar, á sumrin.

Verði ekki breiting á og tíðni slysa á Suður- og Vesturlandsvegi lækki, mæli ég með að prófuð verði sama aðferð og iðkuð er á þjóðvegi 60, haldið veginum lokuðum.  Sú aðferð hefur nánast komið í veg fyrir banaslys á þeirri leið.

Sunnlendingar þrýsta á um úrbætur

Sjálfstæðismenn splæsa !

Það er svoldið magnað að sjá örvæntingafullar tilraunir Sjálfstæðismanna að bjarga andliti flokksins í þessum kosningum.  Eina slíka tilraun vil ég nefna sérstaklega og er um skuldir heimilanna.

Leið Sjálfstæðismanna er að fresta vandanum og lengja í snörunni.  Skoðum eitt dæmi.

Fjölskylda kaupir íbúð á 21,0 milljónir og með láni upp á 18,0 milljónir með 5,1% vöxtum til 40 ára.  Greiðslubyrgði í upphafi er 89.505.- á mánuði og heildar endurgreiðsla lántakenda eru 40.814.367.-

Með verðbólgu síðasta árið hefur íbúðalánið hækkað um ca 20% og er komið í 20,0 milljónir.  Greiðslubyrgðin er komin upp í 99.442.- og heildar endurgreiðslan er komin í 45.345.500.-  Með þessari verðbólgu og stöðugu íbúðaverði er fjölskyldan búin að tapa 2 af 3 milljónum sem hún lagði í eigið fé við íbúðakaupin.

Aðferð Sjálfstæðismanna er að lækka greiðslubyrgði þessa láns um helming í þrjú ár.  Greiðslubyrgðin verður því 50.000.- í þrjú ár og hækkar svo aftur að þeim tíma í 99.442.- á mánuði.  Þetta kostar hinsvegar að lánið hækkar um 3x12x50.000.- = 1.800.000.-  Þá er lánið komið upp í 21.800.000.- og til að afborganirnar verði aftur 99.442.- á mánuði þarf að lengja lánið úr 40 árum í 55 ár.  Við það hækkar svo aftur heildar endurgreiðsla lántakenda í 65.343.217.-

Tæknilega séð er þessi fjölskylda gjaldþrota eftir þessa meðferð, þ.e. lánin eru orðin hærri en eignir.  Þriggja ára pásan kostar í heild 20 milljónir og 15 ára streð.

Leið okkar Framsóknarmanna er að fella niður þessa verðbólguhækkun síðasta árið og færa þannig greiðslubyrgðina aftur niður í 89.505.- á mánuði.

En eins og ég segi þá eru Sjálfstæðismenn að splæsa.  Þeir eru hins vegar ekki að slæsa neinu á almenning heldur að splæsa bút inn í hengingarkaðalinn.  Fallið verður lengra og kippurinn fastari.

Sjávarútvegur

Á flokksþingi Framsóknarflokksins í janúar síðastliðinn voru fjörugar umræður um sjávarútvegsmál í þeim málefnahópi.  Raunar voru umræður svo fjörugar að ekki náðist nein samstaða um niðurstöðu og var í framhaldinu ákveðið að stofnuð yrði nefnd sem móta ætti stefnu í þeim málaflokki fyrir næsta flokksþing.  Á þeim tíma var ekki útlit fyrir kosningar svo að talið var að slík frestun ætti ekki að koma að sök.

Ég starfaði í áðurnefndum málefnahópi, lagði þar fram heilstæða tillögu sem hljóðar svona:

Ályktun um sjávarútveg

Markmið

·         Undanfarin 25 ár hefur verið tilraun á Íslandsmiðum með framseljanlegt aflamarkskerfi.  Kerfið er stór gallað, hefur valdið mikilli byggðarröskun í sjávarbyggðum, brýtur gegn mannréttindum, brýtur gegn viðauka 9 í EES og stenst ekki líffræðileg rök.  Mikilvægt er að koma með kerfi sem tryggir sátt í samfélaginu og virkar til að nýta fiskistofnana á skynsamlegann hátt.

·         Að innheimta auðlindagjald sem millifærsluleið í byggðarmálum.

·         Snúa þarf ofan af þeirri stefnu að einungis sé veiddur stæsti og þyngsti fiskurinn, sem vistfræðilega er kolvitlaus hugmyndafræði.

·         Efla þarf rannsóknir á vistkerfi hafsins umhverfis landið og treysta þannig þann vísindalegan grunn sem nytjar hafsins verða að byggja á.

·         Tryggja samkeppnisstöðu Íslensks sjávarútvegs á tímum lækkandi heimsmarkaðsverðs á fiski.

Leiðir

·         Tekið verði upp sóknarmarkskerfi í tilraunaskyni í tvö ár.

·         Farið verði út í það að hvetja útgerðir til að fara út í vistvænni veiðarfæri til að bæta umgengnina við sjávarbotninn og til að minka losun gróðurhúsalofttegunda.

·         Þau skip sem landa til vinnslu á svæðum sem standa höllum fæti, sleppi við auðlindagjald.

·         Mikilvægt er að reynsla og þekking sjómanna sé metin að verðleikum og að vísindamenn séu ekki einráðir þegar fjallað er um ástand fiskistofna.

·         Tryggja að opinbert eftirlit sé skilvirkt og íþyngi ekki greininni að óþörfu.

·         Stórefla rannsóknir á lífríki sjávar.

Fyrstu skref

·         Skipt verði yfir í sóknarmark hið fyrsta.

·         Rannsóknir á áhrifum einstakra veiðarfæra á lífríki hafsins verði efldar.

·         Auðlindagjald verði innheimt á hvert veitt fiskkíló.  Gjaldið fari eftir útgerðaflokkum og löndunarstöðum.

·         Veiðiráð sjómanna verði stofnað og vinni í samstarfi við rannsóknarstofnanir.

·         Með sóknarmarki minkar eftirlitsþörfin og draga má verulega úr starfsemi Fiskistofu.

·         Auka þarf strax framlög í samkeppnissjóði á borð við AVS og Rannís sem eyrnamerkt verða verkefnum á sviði haf- og fiskirannsókna í samræmi við langtíma stefnumótun.