20% afskriftir húsnæðislána

Makalaust hvað margir eiga erfitt að skilja tillögur Framsóknarmanna um 20% niðurfellingu húsnæðislána.  Málið er það að þegar er búið að borga þetta og einnig það að aðgerðin væri ekki sértæk, heldur almenn og kæmi í veg fyrir gjaldþrot þúsunda fjölskyldna.

Þessi mynd skýrir tillöguna mjög vel... 

A: Íbúðalán landsmanna var fyrir bankahrunið, nokkuð jafnt skipt milli stóru bankanna þriggja og Íbúðalánasjóðs, 1.300 milljarðar alls.

B: Íbúðalánasöfn gömlu bankanna voru færð inn í nýju bankanna og það metin á 50%.  Gömlu bankarnir (þrotabúin) fengu skuldabréf upp á ca 325 milljarða fyrir en restin var afskrifuð.

C: Íbúðalánasjóður fengi þessi íbúðalán á 325 milljarða, samkvæmt tillögu Framsóknar og hefur þá greitt 975 milljarða fyrir 1.300 milljarða lánasafnið.

D: Íbúðalánasjóður á enn lausa 65 milljarða til að taka á sig útlánatöp, þrátt fyrir að afskrifa 20% af lánunum.

E: Íbúðalán niðurfærð um 20%, (að ákveðnu hámarki fyrir hvern auðvitað) léttir greiðslubyrði íbúðaeigenda gríðarlega, eykur möguleika þeirra á að standa í skilum og eykur líka neyslugetu almennings.  Það atriði vinnur líka gegn samdrætti. 

Núllkostur:  Með því að afskrifa ekki lán um 20%, er verið að setja hagsmuni Íbúðalánasjóðs ofar hagsmuni lántakenda.  Sjóðurinn mun að óbreittu eiga kröfu á 325 milljarða hærri kröfu en hann hefur lagt til sjálfur. 

Segja má að með því að kasta þessum tillögum án umræðu sé sértæk aðgerð til handa íbúðalánasjóði.  Þeir sem borga í því tilfelli eru fjölskyldur þessa lands. 

 

Helvítis Fokking Fokk

Nýtt ár strax....

 

Hér er lýsandi mynd fyrir árið 2008.

En annars langaði mig aðallega að benda á færslu sem félagi minn, hann Friðrik setti inn hjá sér og bendir ótrúlega nálægt upptökum á vandræðum okkar íslendinga....Hannes Hólmsteinn Gissurarson og kvótaskuldirnar.

Gleðilegt nýtt ár.

Fullur salur í Háskólabíó

Ótrúlega raunsæ skopmynd

Alveg makalaust hvað skopmyndateiknararnir geta farið nærri sannleikanum.

Góður hvutti........not.

Bankaskellir

Sumir vita ekki hvenær þeir eiga að hætta.

  

hæ litli

Davíð: „Þá mun ég snúa aftur"

Leikreglur lýðræðis

Íslensk stjórnvöld eru rúin trausti eftir fádæma sinnuleysu í aðdraganda bankakreppunnar.  Undir slíkum kringumstæðum eiga menn að víkja af vetvangi. Hvernig viðhorf búast menn við að erlend ríki hafi gagnvart Íslandi, ef enginn ætlar sér að bera ábyrgð á þjóðargjaldþroti ??? 

Það má telja alveg öruggt að í atkvæðagreiðslu um vantraust á ríkisstjórnina, kusu allnokkrir þingmenn gegn sinni sannfæringu, flestir í liði ríkisstjórnarinnar.  Sá eini sem örugglega kaus samkvæmt sinni sannfæringu og engu öðru, er Kristinn H. Gunnarsson.  Ég er efnislega ósammála Kristni H, en jafn undarlega og það kann að hljóma, tel ég að hann hafi staðið rétt að beitingu síns atkvæðis og fær fyrir vikið hrós frá mér.

Alþingi byggir tilveru sína á lýðræði fyrst og síðast.  Flokkslínur og fyrirskipanir forystumanna flokka til þingmanna um að kjósa þvert á sína sannfæringu á ekkert skylt við lýðræðið.  Brjóti Alþingismenn þá grundvallar lýðræðisreglu á sér og sínum vinnufélögum eru þeir að vanvirða Alþingi Íslendinga og hugtakið lýðræði.

Undir slíkum kringumstæðum er ekki að undra að virðing fyrir Alþingi og Alþingismönnum sé takmörkuð í þjóðfélaginu, sé vægt til orða tekið.

58% vilja kjósa

Skipstjóri Exxon-Valdes stjórnar björgunaraðgerðum !

Ég held að sjaldan hafi nokkur komist viðlíka ílla að orði og Ingibjörg Sólrún, þegar hún líkti sér og ríkisstjórninni við björgunarsveit.  "Það er ekki tímabært að skipta um stjórn í slysavarnarfélaginu í miðjum björgunaraðgerðum."  Manni verður nú bara óglatt.  Mér dettur nú nokkrar aðrar setningar í hug, sem ættu líkast til betur við:

• Björgunarsveitarmaður veldur stórslysi.  Var fyrstur á vettvang og stjórnar því aðgerðum á slysstað....
• Skipstjóri Exxon Valdes stjórnar aðgerðum á strandstað.  Olían er á mína ábyrgð og það er mitt að verja hagsmuni minna viðskiptamanna, segir skipstjórinn aðspurður....
• Ölvaður ökumaður heiðraður fyrir snarræði.  Ók niður gamlan Skóda og fjóra verkamenn frekar en að keyra á jeppa ráðherrans.

Á strandstað missir skipstjóri öll sín völd og Sýslumaður tekur við stjórn á vettvangi.  Þá skiptir engu máli hversu vel menn bregðast við aðstæðum, skipstjórnarmenn bera ábyrgð samkvæmt lögum og er refsað fyrir afglöp í starfi.  Um mál að því tagi má finna mörg dæmi.

Þjóðarskútan liggur í stórgrýttri fjörunni og slæst til í bryminu.  Skipstjórinn stendur enn við stýrið og lætur skrúfuna snúast, vonast til að næsta alda fleyti henni út.  Á meðan er áhöfnin og farmurinn að smá tínast fyrir borð og hverfur í hafið.

Er skömmin svo sterk að bera ábyrgð á gjaldþroti þjóðarinnar, að þau geta ekki vikið ?  Það skildi þá aldrei vera...

Láti sig hverfa

Sjálfstæðir Vestfirðir

Jæja bloggarar, núna er rétti tíminn.

Íslenska ríkið er skuldsettara en nokkru sinni fyrr.  Tími kominn á niðurskurð á öllum þáttum.  Við sem undanfarin ár höfum búið við KREPPU, fólksfækkun, lánastopp og almenna niðursveiflu eigum ekki að þurfa að svara fyrir fjárfestingarfyllerí sunnlendingana.

Við þurftum að taka á okkur niðurskurð vegna þennslu sem var ekki hér, hvers vegna í ósköpunum ættum við að herða sultarólina þegar þrengir að á öðrum svæðum landsins.  Ekki hafa aðrir landsmenn verið vinir okkar í okkar þrengingum.

Komið með girðingarefnið og lokum kjálkanum.  Við erum betur sett án þessara sunnanmanna.

Haust á Blómsturvöllum

Fann þessa frétt í dag.  Hún er rétt 18 mánaða.  Sumir hlutir eru fljótir að breitast.

Oft er kapp betra með forsjá.

Yfir þúsund störf urðu til í fjármálastarfsemi á síðasta ári

Tilvistar-kreppa?

Stöðnun, samdráttur, lánsfjárskortur, gjaldþrot fyrirtækja, fólksflótti.  Einstaklingar tapa aleigunni, byggingariðnaðurinn stoppar, atvinnutækifærum fækkar, verslanir loka, framleiðslufyrirtæki flutt í burtu.  Þannig mætti lengi telja. 

En það er til orð yfir þetta einkenni; LANDSBYGGÐARVÆL.  En fyrst að þetta snertir okkar ástkæru höfuðborg þá er þetta kreppa !!!!

 Undanfarin misseri hafa menn keppst við að fullyrða að byggðarstefnan sé gjaldþrota.  Það væri satt ef einhver hefði verið.  En hvað segir núverandi ástand okkur?  Mitt mat er það að núverandi staða segi okkur berum orðum að sú byggðarstefna sem rekin hefur verið undanfarin ár og áratugi, með tilflutningi fólks af landsbyggðinni og á höfuðborgarsvæðið sé gjaldþrota.  Það er ekki möguleiki á að reka svona stefnu með erlendu lánsfé til lengdar.  Stefnu sem eykur á engann hátt gjaldeyrissköpun í þjóðfélaginu,  stefnu sem byggir á að ónýta gífurlegt magn fasteigna víðsvegar um land, stefnu sem rekin er að verulegu leiti með erlendu vinnuafli, af erlendu lánsfé og með erlendu hráefni.

Ég ætla mér ekki að gera lítið úr því ástandi sem þjóðin býr við í dag.  Ég ætlast þá jafnframt til að aðrir geri ekki lítið úr þeirri stöðu sem stór hluti landsbyggðarinnar hefur búið við í mörg ár.  Vandinn er svipaðs eðlis, manngerður.

Sú kreppa sem þjakar þjóðina um stundir er fyrst og síðast tilvistarkreppa höfuðborgarsvæðisins.  Fyrirtæki, sveitarfélög og einstaklingar á því svæði hafa skapað skilyrðin fyrir hana með glórulausri innistæðulausri útþennslustefnu.  Að kenna ástandi á alþjóðamarkaði um stöðuna er eins og að skjóta sendiboða illra tíðinda.  Þessi staða hefði komið upp fyrr eða síðar.

Stjórnvöld marki stefnu til langs tíma

Beita íslenskan sjávarútveg fjárkúgun

Rakst á þessa frétt á Visi.is.

Ég veit ekki með ykkur en mér finnst býsna margt líkt með kúk og skít. 

LÍÚ hefur stundað það í fjölda ára að heimta 60-99% af aflaverðmæti sem leigu fyrir aðgengi að fiskimiðunum sem samkvæmt stjórnarskrá er sameign þjóðarinnar.  Svo svitna menn þar á bæ ef ÞEIR eiga að borga öðrum 1-2% á sömu forsendum.

Næst segja þeir örugglega að þetta sé mannréttindabrot...........

...........það má reyna að nefna það aftur eftir 24 ár....