Viðvörun til vegfarenda

Það er rétt að vara þá vegfarendur við sem eru á leiðinni um Hrafnseyrar og Dynjandisheiði, að þær eru ófærar sem stendur, hafa verið undanfarna tvo mánuði og ef veðurguðirnir eru Vegagerðinni hliðhollir verða heiðarnar áfram ófærar næsta mánuðinn.

Er því rétt að benda þeim ökumönnum á sem staddir eru á þessum tveimur heiðum, að fara sparlega með eldsneyti og mat.  Þeir gætu þurft að bíða svolítinn tíma.

Hinir sem ekki eru farnir af stað og þurfa að komast milli Patreksfjarðar og Ísafjarðar er bent á að þessir 467km lenging á leiðinni er nauðsynleg til að tryggja afkomu olíufélaganna.  Þetta er ekki haft svona að ástæðulausu.

• Ísafjörður - Patreksfjörður 172km sumarvegur
• Ísafjörður - Patreksfjörður 639km vetrarvegur
• Lenging 467km eða margfeldi 3,71

Varað við sandstormi á S-Austurlandi

Ekki mengun af svona starfsemi

Þetta er alveg magnað.  Það virðist ekki vera nein neikvæð áhrif af svona framkvæmdum eða framleiðslufyrirtæki.  Og þótt að atvinnuleysið sé varla mælanlegt er mikil þörf fyrir þennan vinnustað.  Ég held að þeir sunnlendingar sem baula hæst yfir mögulegri olíuhreinsunarstöð á Vestfjörðum ættu nú að fara að einbeita sér að einhverju öðru en eigin nafla.  JÖRÐIN snýst EKKI í kringum naflann á ykkur.

Að bæta við álveri á Reykjanesi gerir Faxaflóa að einu af menguðustu svæðum Evrópu.  Hvaða áhrif hefur það á ímynd Íslands?  Ég efast um að mannlausir og mengunarlausir Vestfirðir bæti það upp.

Aukafundir boðaðir síðdegis til að ræða álver í Helguvík

And-legur leiðtogi Reykvíkinga

Það er alþekkt meðal bænda og þeirra sem nýta varplönd sem hlunnindi, að gæsla og eyðing á vargi skiptir sköpum til að varp lifi af.  Það á ekki að koma á óvart, amk. varðandi æðarfuglinn og kríuna.  Hinsvegar er auðvitað spurning hvernig aðrar fuglategundir taka við því.

Það sem ég velti meira fyrir mér í þessu samhengi, er framtíð Vatnsmýrarinnar og friðlandsins þar.  Vilja Reykvíkingar virkilega eyðileggja það að verulegu leiti með stórtækri uppbyggingu mannvirkja?

Og í því samhengi, er réttlætanlegt að ráða mann til svo tímabundinna starfa, "vitandi" það að starfið verði lagt niður eftir 20 ár?

Vilja ráða andapabba til starfa við Tjörnina

Er að spara fyrir hernum ?

Það er nú alveg makalaust að fylgjast með því hvað Björn Bjarnason er tvöfaldur.  Í öðru orðinu er hann að efla löggæsluna en á sama tíma er hann að skera niður útgjöld til lögreglunnar. 

Sameining lögregluumdæma í nafni hagræðis og eflingar löggæslustarfa er eitt stórt kjaftæði.  Reynslan sýnir að þessi leið er alltaf farinn til að klípa fjármagn í burtu.

Það vildi ég að hægt væri að draga ráðherra til ábyrgðar fyrir embættisafglöp.  En eins og dæmin sanna með borgarstjóra, axla þeir ábyrgð með öðrum og flóknari hætti.

Fjármál lögreglunnar á Suðurnesjum rædd við ráðherra

Í þorpi úti á landi.

Þetta er nú alveg makalaust ástand.  Það er ekki hægt að búa í höfuðborginni, vegna þess að húsnæðisverð þar er komið langt út úr öllum veruleika, ekki síst fyrir tilstylli sveitarfélaga á svæðinu.  En úti á landi þar sem húsnæðisverð er þó þolanlegt, er fólki ekki vært vegna stjórnavaldsaðgerða/aðgerðaleysis.  Atvinnufrelsi er fótum troðið og víða er grunnþættir samfélagsins, vegasamgöngur, sími og rafmagn ekki af þeim toga sem nútímasamfélag gerir kröfur til.

Útkoman verður því sú, að velmegun og uppgangur síðustu ára hvetur til landsflótta í stórum stíl ............... þetta er snúið !

Verst er að eiga ekkert „heim“

Ekkert vit í að flytja til Reykjavíkur.

Eða eru það ekki skilaboðin?

Þessi frétt segir mér það, að ef ég þarf að hrökklast úr mínu byggðarlagi eigi ég frekar að flytja til Danmerkur en á höfuðborgarsvæðið.  Spurning.....

Ekkert vit í að flytja til Íslands

Björgun frá fordómum.

Það er að minnsta kost það sem ég tel mesta þörf á.  Vestfirðingar hafa orðið að þola ótrúlega fordóma í gegnum árin.  Síðan að kvótakerfið var sett á, hafa möguleikar Vestfirðinga til að afla lísfbjargar verið rifnir af þeim eins og föt á útsölu.  En á sama tíma hefur lítið sem ekkert verið gert til að færa landshlutann fram í tíma varðandi samgöngur og tengingu við heiminn.  Ábendingar Vestfirðinga í þá veru hafa verið úthrópaðar sem væl og aumingjaskapur. 

Sú staða að Vestfirðir eru óumdeilanlega áratugum á eftir öðrum landshlutum í tengingu, er óásættanlegt og ríkisstjórnum Íslands til skammar.  Vestfirðingar hafa verið meðhöndlaðir eins og óhreinu börn Adams og Evu.

Ég óska þessum hóp velfarnaðar í sínu starfi og vænti þess að fá að sjá raunhæfar tillögur frá þeim til uppbyggingar á Vestfirsku samfélagi.  Hvað mig sjálfann áhrærir, er ég þeirrar skoðunar að allir möguleikar til að auka atvinnu á svæðinu séu þess virði að skoða, þar á meðal Olíuhreinsistöð.  Ég tel að ekki sé enn forsenda til að taka afstöðu með eða á móti, þar sem fullt af upplýsingum vantar.  Að taka afstöðu núna er jafn vitlaust hvort sem það er með eða á móti.  Það er alltént mín skoðun.

Bloggarar taka sig saman og vilja „bjarga Vestfjörðum"

Foreldrum hans hlýtur að létta...

.....hátterni hans bendir þó alltént ekki til að hann sé samkynhneigður.  Þá fyrst væru "drengurinn" í verulegum vanda...

...eða hvað heldur þú ?

Hafði mök við dömureiðhjól

Við höfum verið svikin !

Kallaði vonsvikinn Vestmanneyingurinn upp yfir sig þegar hann leit út um svefnherbergisgluggann.  Gróðurhúsaáhrif hvað ha.  Þetta lýkist nú frekar snjóhúsaáhrifum.

Ætli það verði ekki að rýma götuna næst Helgafellinu vegna snjóflóðahættu, með þessu áframhaldi.  Og ég sem flúði snjóþyngslin á Vestfjörðum.  Andskotans Sjálfstæðisflokkurinn, allt honum að kenna.  Þetta fór fyrst að versna af alvöru þegar Árni Matthisen flutti sig í Suðurkjördæmi.  Sagði fyrrum Súgfirðingur í samtali við fréttaritara.

(ofangreind frétt er í engu samhengi við raunveruleikann)

Vont veður í Vestmannaeyjum

Hefur einhver framtíðarsýn?

Í ljósi umræðna undanfarið, er þetta eðlileg spurning.Ég velti því alltént fyrir mér hvernig framtíðarsýn þeir hafa, sem eru gagngert að berjast gegn tengingu norður og suðursvæða Vestfjarða.

1. Hverjir eru vaxtarmöguleikar Ísafjarðar sem tengipunktur fyrir 5000 manna samfélag.  Endastöð á löngum vegi, fjarri öðrum svæðum.
2. Getur talist eðlilegt að gera kröfu á að hýsa þjónustu fyrir fólk sem hefur enga möguleika á að njóta hennar?
3. Er líklegt að ferðamönnum fjölgi við frekari vegaframkvæmdi á Djúpvegi?
4. Er það virkilega svo, að einu vegtengingarnar sem þörf er á hér, eru til að sækja þjónustu annað.  Höfum við ekkert að bjóða?

 

Hvert stefnir?

Með áframhaldandi einangrunarstefnu, þurfa Vestfirðingar enga óvini.  Þeir eru sjálfum sér verstir.  Ekki á það þó við um alla en það er talsvert af svörtum sauðum.  Sumir tala á þá lund að það sé mjög eðlilegt og ásættanlegt ástand að Vestfirðir séu tvö algerlega aðskilin svæði 4 til 6 mánuði út ári.  Og þess á milli tengd með SEXTÍU ÁRA gömlum vegum. 

Ég kýs að sneiða hjá því að nefna nöfn, en nokkrir eru svo óforskammaðir í sínum málflutningi að kalla eftir óskoruðum stuðningi við áframhaldandi aðskilnaðarstefnu og frekari sóun á almannafé með jarðgöngum undir Kollafjarðaheiði.  Þessir menn ganga svo langt að segja það að íbúar suðursvæðis Vestfjarða hafi ekkert á Ísafjörð að gera.  Einn af þeim talar væntanlega af eigin reynslu, enda fyrrverandi sveitarstjórnarmaður í ónafngreindu sveitarfélagi við Djúp.

Fari menn ekki að hugsa sinn gang alvarlega mun byggðamynstur Hornstranda stækka umtalsvert á næstu árum.   

Hugmyndir með markmið

Ég hef þegar kynnt hugmyndir um tengingu Vestfjarða í eitt svæði með jarðgöngum, annarsvegar milli Arnarfjarðar og Dýrafjarðar og hinsvegar með jarðgöngum undir Suðurfirði, úr Langanesi til Bíldudals.  Samhliða þeim tillögum kynnti ég hugmyndir um yfirbyggðann veg úr Dynjandisvogi og austur í Skálmarfjörð.

Allar spurningar eru eðlilegar þegar svo róttækar tillögur eru uppi á borðinu.  Og mikið af þessum spurningum hef  ég líka spurt mig að.  En til að skýra aðeins mitt mál þá kem ég hér með þau markmið sem tillögur mínar styðjast við.

1. Stytta sem kostur er vegalengdir milli þéttbýlisstaða á Vestfjörðum.  Í mínum huga er ekki nóg að gera eingöngu tengingu í Vatnsfjörð, þar sem fjarlægðir milli þéttbýlisstaða verður þrátt fyrir þá tengingu talsvert miklar.  Og sé miðað við sumarveg um Dynjandisheiði er talsvert lengri til Bíldudals og Tálknafjarðar um Vatnsfjörð.
2. Að hlífa eins og hægt er náttúruperlum og komast hjá fyrirsjáanlegum deilum vegna framkvæmda á eða við slíka staði.  Þannig tel ég að göng í Geirþjórsfjörð eða í Vatnsdal yrðu alltaf mjög umdeild.  Svæðin eru friðuð og fullvíst má telja að vegagerð á þessum stöðum myndi hafa mikil umhverfisáhrif á staðina.  Einnig tel ég að frekari þveranir fjarða í Breiðafirði muni verða umdeildar og þar af leiðandi tímafrekar.
3. Stytting á leiðinni suður.  Með lagningu vegar úr Dynjandisvogi niður á nesið milli Skálmarfjarðar og Kerlingarfjarðar og göngum undir Klettsháls má stytta leiðina suður um rúma 50 km.  Göng þar tel ég hvort eð er vera framtíðarlausn.  Væri þessi vegur yfirbyggður strax á hönnunarstigi, má einfalda mjög lagningu hans og heildarkostnaður við slíkann veg yrði væntanlega álíka og jarðgöng undir Dynjandisheiði eða Kollafjarðaheiði.  Þessi vegur suður yrði hinsvegar ca. 32 km styttri en leiðin um göngin í Vatnsfjörð og hátt í 100 km styttri en leiðin undir Kollafjarðaheiði yrði.  Og að auki getur yfirbyggður vegur verið hættuminni en jarðgöng, að því leiti að fyrirkomulag flóttaleiða eru mun auðveldari í framkvæmd og geta því verið á fleiri stöðum.  Þá má einnig geta þess að yfirbyggður vegur hefur ekki neina "virka hæð" frekar en jarðgöng, þar sem þessi gerð vega er óháð umhverfi sínu og veðráttu.
4. Í síðasta lagi er það framlag Vestfirðinga til "Samgöngusafns Íslands".  Mín skoðun er sú, að Dynjandisheiði og Hrafnseyrarheiði eigi að fá að halds sér að öllu leiti og jafnvel vera frekar færðar til fyrra horfs, ef kostur er.  Þessar tvær heiðar njóta þess vafasama heiðurs að vera nánast orginal 1950 árgerð.  Það er einsdæmi á Íslandi og þótt víðar væri leitað.  Þessum vegum ætti að halda við og gera að ferðamannaslóð.  Ég er nokkuð viss um að hægt sé að markaðssetja það ekki síður en aðrar mynjar.

Atvinnumöguleikar

Með fullkominni láglendistengingu Vestfjarða í eitt þjónustusvæði og stækkuðu atvinnusvæði, gerbreytast allir möguleikar Vestfirðinga.  Möguleikar íbúa í Barðastrandasýslu til að sækja nám á framhalds- og háskólastigi á Ísafirði verða raunhæfir, og það er gríðarlegur ávinningur fyrir alla íbúa Vestfjarða.  Og til gamans setti ég á annað kortið sem fylgja greininni, leið A, yfir Þorskafjörð, því íbúar Reykhóla eru jú líka Vestfirðingar, en það breytir samt ekki vegalengdinni áfram suður.

Samstarf fyrirtækja á svæðinu breytast gríðarlega þegar vegalengdir minnka og verulegir möguleikar á miðlun hráefnis, tækja og vinnuafls verður framkvæmanlegt og stöðugt ástand.Ferðaþjónusta tekur kipp með gríðarlegri styttingu vegalengda bæði til annara landshluta sem og innan Vestfjarða.  Ferðafólk getur auðveldlega  tekið hring um Vestfirði án þess að valda tjóni á bílnum sínum og bílaleigur geta með góðri samvisku leigt bíla til ferðalaga hingað.  Vegur á hálendi Vestfjarða opnar nýja vídd fyrir ferðamenn, og hugsanlega má gera hálendið vel aðgengilegt með opnanlegum útskotum yfir sumartímann. 

Möguleikar á stóriðnaði aukast með öruggum og stuttum vegalengdum milli þéttbýlisstaða og við aðra landshluta, jafnframt opnar þessi tengileið milli norður og suðursvæðanna á eitt stæðsta hugsanlega stóriðnaðarsvæði á Vestfjörðum, Mosdal í Arnarfirði.  Mín skoðun er sú að Mosdalur sé lang heppilegasti staðurinn fyrir td. umskipunarhöfn.  Það er svo aftur annað mál hvort að Vestfirðingar vilji stóriðnað eða ekki.

Ég vil skora á þá sem hafa hugmyndir með markmið að viðra sín sjónarmið, því hugmyndir og ákvaðranataka án samhengis og markmiða er eins og ílla spilandi fótboltalið.